Sangli : 'सांगली पालिकेसाठी मविआ एकत्रित लढणार'; जयंत पाटील, विश्वजीत कदम, विशाल पाटलांची घोषणा

थोडक्यात बातमी वाचण्यासाठी खाली स्क्रोल करा...

(Sangli) महापालिका निवडणुकांचं बिगुल वाजलं असून सर्वच राजकीय पक्ष आता तयारीला लागले आहेत. मुंबई, पुणेसह राज्यातील २९ महापालिका निवडणुकीची घोषणा करण्यात आली. येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जांगासाठी ही निवडणूक होणार आहे.

23 डिसेंबर ते 30 डिसेंबर या कालावधीमध्ये महापालिका निवडणुकीसाठी उमेदवारांना आपले उमेदवारी अर्ज दाखल करता येणार आहेत, तर 31 डिसेंबर रोजी उमेदवारांच्या अर्जाची छाननी होणार आहे. तर 2 जानेवारी 2026 पर्यंत उमेदवारांना आपले अर्ज मागे घेता येणार आहेत. 3 जानेवारी रोजी चिन्हाचं वाटप होणार असून 15 जानेवारी 2026 रोजी मतदान होणार आहे. निवडणुकांची घोषणा झाल्यानंतर आता राजकीय वर्तुळातून प्रतिक्रिया येत आहेत. याच पार्श्वभूमीवर जयंत पाटील, विश्वजीत कदम, विशाल पाटील यांनी पत्रकार परिषद घेत यावर प्रतिक्रिया दिली आहे. 'सांगली पालिकेसाठी मविआ एकत्रित लढणार' असे जयंत पाटील, विश्वजीत कदम, विशाल पाटलांनी घोषणा केली आहे.

सांगली, मिरज आणि कुपवाड शहर महानगरपालिकेची निवडणूक एकत्रित लढवण्याची घोषणा महाविकास आघाडीच्या नेत्यांनी सांगलीत केली आहे. जयंत पाटील, विश्वजीत कदम आणि विशाल पाटलांनी एकत्रित बैठक घेतली. आगामी महापालिका निवडणूक लढवण्याचा निर्णय घेत वंचित बहुजन आघाडी, शिवसेना ठाकरे गट आणि राजू शेट्टी व इतर समविचारी पक्षांना एकत्रित घेऊन निवडणूक लढवणार असल्याचे पत्रकार परिषद घेऊन जाहीर केले आहे.

यासोबतच 'पारदर्शक निवडणुका घेण्यासाठी निवडणूक आयोगाकडून बॅलेट वर निवडणूक घेतल्या पाहिजेत,' अशी मागणी राष्ट्रवादी शरद पवार गटाचे आमदार जयंत पाटील यांनी केली आहे.

Summery

• 'सांगली पालिकेसाठी मविआ एकत्रित लढणार'

• जयंत पाटील, विश्वजीत कदम, विशाल पाटलांची घोषणा

• पत्रकार परिषद घेऊन केलं जाहीर