Mumbai Air Pollution : मुंबईत प्रदूषणाचा कहर! मुंबई जगातील दुसरे सर्वाधिक प्रदूषित शहर, हवेचा गुणवत्ता निर्देशांक पोहोचला 334 अंकांवर

थोडक्यात

• मुंबई जगातील दुसरे सर्वाधिक प्रदूषित शहर

• बीकेसीत हवेचा गुणवत्ता निर्देशांक 334 अंकांवर

• महाराष्ट्रातील प्रमुख शहरांत प्रदूषणाची पातळी अतिशय धोकादायक

(Mumbai Air Pollution) राज्यातील शहरी भागांमध्ये प्रदूषणाचा कहर पाहायला मिळतो आहे. सकाळी आणि सायंकाळी धुरक्याचे प्रमाण जास्त असते. अशा वेळी घराबाहेर पडणे टाळले पाहिजे. दिवाळीच्या पार्श्वभूमीवर फटाके उडवले जातात. यामुळे प्रदूषण पसरते.

प्रदूषणामुळे अनेक आजार होतात. महाराष्ट्रातील प्रमुख शहरांत प्रदूषणाची पातळी अतिशय धोकादायक झाली आहे. मुंबईत प्रदूषणाचा कहर पाहायला मिळत असून मुंबई जगातील दुसऱ्या सर्वाधिक प्रदूषित शहराच्या स्थानी आले आहे.

शहर आणि उपनगरांत अनिर्बंध फटाके फोडले गेल्याने प्रदूषणाच्या पातळीत विक्रमी वाढ झाली. काल मुंबईकरांनी मोठ्या प्रमाणावर फटाके फोडले याच्या परिणाम सर्वत्र दिसून येत आहे. नऊ केंद्रांवर खराब ते अत्यंत खराब श्रेणीत हवेची गुणवत्ता नोंद झाली असून मुंबईच्या हवेची गुणवत्ता अत्यंत खराब श्रेणीत नोंदवली गेली असल्याची माहिती मिळत आहे. वांद्रे-कुर्ला संकुल येथे हवेचा गुणवत्ता निर्देशांक 334 अंकांवर गेला आहे.