Nagpur : नागपूर महानगरपालिकेत पुन्हा भाजप येणार की काँग्रेस चमत्कार करणार? आज होणार फैसला

थोडक्यात बातमी वाचण्यासाठी खाली स्क्रोल करा...

(Nagpur) महाराष्ट्रातील 29 महानगरपालिकांसाठी काल मतदान पार पडलं. सकाळी साडेसात वाजल्यापासून मतदानाला सुरुवात झाली आणि संध्याकाळी 5.30 वाजेपर्यंत मतदारांना मतदानाचा हक्क बजावता आला. मुंबई, ठाणे, नवी मुंबई, पुणे, पिंपरी–चिंचवड, सोलापूर, कोल्हापूर, इचलकरंजी, सांगली–मिरज–कुपवाड, नाशिक, मालेगाव, अहिल्यानगर, जळगाव, धुळे, छत्रपती संभाजीनगर, नांदेड–वाघाळा, परभणी, जालना, लातूर, अमरावती, अकोला, नागपूर, चंद्रपूर, उल्हासनगर, कल्याण–डोंबिवली, भिवंडी–निजामपूर, मीरा–भाईंदर, वसई–विरार, पनवेल या 29 महानगरपालिकांमध्ये काल मतदान पार पडलं.

आज मतमोजणी पार पडणार असून सकाळी 10 वाजल्यापासून मतमोजणीला सुरूवात होणार आहे. कायदा-सुव्यवस्था राखण्यासाठी पोलिसांचा कडेकोट बंदोबस्त तैनात करण्यात आल्याचे पाहायला मिळत आहे. पालिकांवर कोणाचा दबादबा राहणार हे आज स्पष्ट होणार असून आता कोण बाजी मारणार हे पाहणं महत्त्वाचे ठरणार आहे.

यातच आता नागपूर महानगरपालिकेत पुन्हा भाजप येणार की काँग्रेस चमत्कार करणार याचा आज फैसला होणार आहे. मुख्यमंत्री देवेंद्र फडणवीस, केंद्रीय मंत्री नितीन गडकरी आणि महसूल मंत्री चंद्रशेखर बावनकुळे यांच्यासाठी नागपूर प्रतिष्ठेची महानगरपालिका असून संघाचं मुख्यालय असलेल्या नागपूरात कोण बाजी मारणार? याकडे अवघ्या देशाचं लक्ष लागले आहे.

नागपूरात काल सरासरी 51 टक्के मतदानाची नोंद झाली असून 2017 च्या निवडणुकीच्या तुलनेत मतदान कमी झाले. मतदानाचा घटलेला टक्का कोणासाठी फायद्याचा ठरणार हे पाहणं महत्त्वाचे ठरणार आहे.

Summary

• नागपूर महानगरपालिकेत भाजप येणार की काँग्रेस चमत्कार करणार?

• आज होणार फैसला

• नागपूरात काल सरासरी ५१ टक्के मतदानाची नोंद