Anant Garje Arrest : पंकजा मुंडेंचे पीए अनंत गर्जेला अटक; पत्नी डॉ. गौरी गर्जेच्या मृत्यू प्रकरणात पोलिसांची कारवाई
थोडक्यात बातमी वाचण्यासाठी खाली स्क्रोल करा...
(Anant Garje Arrest) मंत्री पंकजा मुंडेंचे पीए गरजे यांच्या पत्नीने गळफास घेऊन जीवन संपवलं आहे. वरळीच्या बिडीडी चाळीतील हा धक्कादायक प्रकार समोर आला आहे. नुकतेच आठ ते नऊ महिन्यापूर्वी गरजे दांपत्याचा विवाह झाला होता. मात्र पती यांचे अफेअर चालू असल्याने हा प्रकार झाला असल्याचा दाट संशय व्यक्त करण्यात येत आहे.
सध्या पोलिसांकडून या प्रकरणात तपास केला जात आहे. ही आत्महत्या नसून हत्या असल्याचा आरोप कुटुंबियांकडून केला आहे. गौरीला आत्महेत्येपूर्वी किरणच्या आधीच्या पत्नीचे गर्भवती असल्याची कागदपत्र मिळाल्याने ती अस्वस्थ होती ती कागदपत्रे आम्हाला पाठवली होती असा गौरीच्या वडिलांनी जबाब दिला असून तिच्या वडिलांनी वरळी पोलीस ठाण्यात तक्रार दाखल केली. प्रकरणी तिघांवर गुन्हा दाखल करण्यात आला आहे. काल डॉ गौरी गर्जे यांच्या आत्महत्येप्रकरणी पती, नणंद आणि दीरावर गुन्हा दाखल करण्यात आला.
याच पार्श्वभूमीवर आता पंकजा मुंडेंचे पीए अनंत गर्जेला अटक करण्यात आल्याची माहिती मिळत आहे. पत्नी डॉ. गौरी गर्जेच्या मृत्यू प्रकरणात पोलिसांकडून ही कारवाई करण्यात आली आहे. काल रात्री 1 वाजता अनंत गर्जे स्वत:हून वरळी पोलीस स्टेशनला हजर झाला.कायद्याची संपूर्ण प्रक्रिया पारदर्शक आणि न्याय रितीने पार पडावी, यासाठी पोलिसांना सहकार्य करण्याचा निर्णय घेतल्याचे गर्जे कडून सांगण्यात आलं आहे.
Summery
पंकजा मुंडेंचे पीए अनंत गर्जेला अटक
पत्नीच्या आत्महत्येनंतर अनंत गर्जेला अटक
डॉ. गौरी गर्जे मृत्यू प्रकरणात अनंत गर्जेला अटक
