Raj Thackeray : राज ठाकरेंनी नेत्यांची बोलावली महत्त्वाची बैठक; बैठकीत ठाकरेंची शिवसेना आणि मनसे युती संदर्भात काय होणार चर्चा?

थोडक्यात बातमी वाचण्यासाठी खाली स्क्रोल करा...

(Raj Thackeray) महापालिका निवडणुकांसाठी सर्वच राजकीय पक्ष तयारीला लागले आहे. अनेक बैठकांचे आयोजन करण्यात येत असून जागावाटपाबाबत अनेक चर्चा रंगल्या आहेत. महापालिका निवडणुकांचं बिगुल वाजलं असून सर्वच राजकीय पक्ष आता तयारीला लागले आहेत. मुंबई, पुणेसह राज्यातील २९ महापालिका निवडणुकीची घोषणा करण्यात आली.

येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जागांसाठी ही निवडणूक होणार आहे. 23 डिसेंबर ते 30 डिसेंबर या कालावधीमध्ये महापालिका निवडणुकीसाठी उमेदवारांना आपले उमेदवारी अर्ज दाखल करता येणार आहेत, तर 31 डिसेंबर रोजी उमेदवारांच्या अर्जाची छाननी होणार आहे. तर 2 जानेवारी 2026 पर्यंत उमेदवारांना आपले अर्ज मागे घेता येणार आहेत.

3 जानेवारी रोजी चिन्हाचं वाटप होणार असून 15 जानेवारी 2026 रोजी मतदान होणार आहे. यातच उद्धव ठाकरे आणि राज ठाकरे यांच्या युतीकडे सर्वांचे लक्ष लागले आहे. याच पार्श्वभूमीवर खासदार संजय राऊत आणि अनिल परब यांनी मनसे अध्यक्ष राज ठाकरे यांची आज भेट घेतली. यामध्ये युती आणि जागावाटप याबद्दल चर्चा झाल्याची माहिती मिळत आहे. याच पार्श्वभूमीवर आज मनसे अध्यक्ष राज ठाकरे यांनी मनसेच्या नेत्यांची बैठक बोलावली आहे. आज शिवतीर्थवर ही बैठक पार पडणार असून बैठकीत ठाकरेंची शिवसेना आणि मनसे युती संदर्भात चर्चा होणार असल्याची माहिती मिळत आहे.

Summery

• राज ठाकरेंनी नेत्यांची बोलावली महत्त्वाची बैठक

• आज शिवतीर्थवर पार पडणार बैठक

• बैठकीत ठाकरेंची शिवसेना आणि मनसे युती संदर्भात होणार चर्चा