Raj Thackeray : राज ठाकरे यांची 'या' तारखेला ठाण्यात जाहीर सभा

थोडक्यात बातमी वाचण्यासाठी खाली स्क्रोल करा...

(Raj Thackeray) येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जागांसाठी ही निवडणूक होणार आहे. महापालिका निवडणुकांसाठी सर्वच पक्ष तयारीला लागले आहेत.

यातच अनेक दिवस राज ठाकरे - उद्धव ठाकरे यांची युती कधी होणार याकडे सर्वांचे लक्ष लागले होते. पत्रकार परिषदेतून ठाकरे बंधू यांनी त्यांच्या युतीची घोषणा केली. याच पार्श्वभूमीवर आता राज ठाकरे आणि उद्धव ठाकरेंच्या संयुक्त सभांचं नियोजन सुरू करण्यात आल्याची माहिती मिळत आहे.

मनपा निवडणुकीच्या पार्श्वभूमीवर ठाकरे बंधूंची लगबग पाहायला मिळत असून याच पार्श्वभूमीवर आता एकनाथ शिंदे यांच्या बालेकिल्ल्यात राज ठाकरेंची तोफ धडाडणार आहे. 10 जानेवारीला राज ठाकरे यांची ठाण्यात जाहीर सभा होणार असून ठाणे महानगरपालिकेच्या प्रचारासाठी राज ठाकरे यांची ही सभा असणार आहेत. या सभेतून राज ठाकरे कोणावर निशाणा साधतात हे पाहणं महत्त्वाचे ठरणार आहे.

Summery

• शिंदेंच्या बालेकिल्ल्यात धडाडणार राज ठाकरेंची तोफ

• 10 जानेवारीला राज ठाकरे यांची ठाण्यात जाहीर सभा

• ठाणे महानगरपालिकेच्या प्रचारासाठी राज ठाकरे यांची सभा