Samruddhi Highway Bus Accident : समृद्धी महामार्गावर भीषण अपघात, 10 ते 12 जणांचा मृत्यू
संभाजीनगर | सचिन बडे : संभाजीनगर जिल्ह्यात समृद्धी महामार्गावर भीषण अपघात झालाय. यात प्राथमिक माहितीनुसार 10 ते 12 लोकांचा जणांचा मृत्यू झाला आहे तर 20 जण जखमी आहेत. यामुळे परिसरात खळबळ उडाली आहे.
वैजापूर जवळील समृध्दी महामार्गावर जांबर गाव टोलनाक्यावर अपघात झाला आहे. उभ्या ट्रकला ट्रव्हलर बस धडकल्याचे समोर आले आहे.
यातील सर्व प्रवासी नाशिक जिल्ह्यातील पाथर्डी आणि इंदिरानगर येथील रहिवासी असल्याची प्राथमिक माहिती कळली आहे. हे सगळे लोक सैलानी बाबाच्या दर्शनासाठी गेले होते. मृत्यू झालेल्यामध्ये चार महिन्याच्या बालकाचा देखील समावेश आहे. जखमी वर वैजापूर आणि छत्रपती संभाजीनगर येथील घाटी रुग्णालयात उपचार सुरू आहेत. नेमका अपघात कसा झाला, याची चौकशी सुरु आहे. समृद्धी महामार्गावर पोलिसांनी ट्रक थांबवला. दरम्यान ट्रक बाजुला घेत असताना मागून भरधाव वेगाने येणारी बस ट्रकवर आदळल्याचे वृत्त समोर आले आहे.
