Satara Female Doctor case : फलटणमधील महिला डॉक्टर प्रकरण; आरोपी गोपाल बदने आणि प्रशांत बनकरकडे सापडल्या 'या' महत्त्वाच्या वस्तू

इम्तियाज मुजावर, सातारा

थोडक्यात

• फलटण महिला डॉक्टर प्रकरण

• पीएसआय बदनेकडे तीन पेन ड्राईव्ह तर बनकरकडे सापडला लॅपटॉप

• या पुराव्यांच्या आधारे मोठी तपास मोहीम सुरू करण्यात आली आहे

(Satara Doctor case) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडवली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली आहेत.

मृत डॉक्टरने आत्महत्येपूर्वी आपल्या हातावर सुसाईड नोट लिहिली होती, त्यात तिने धक्कादायक आरोप केले आहेत. त्या नोटमध्ये डॉक्टरने लिहिले आहे की, "PSI गोपाल बदने यांनी तिच्यावर पाच महिन्यांपासून वारंवार अत्याचार आणि लैंगिक शोषण केले, तसेच पोलीस अधिकारी प्रशांत बनकर यांनी तिला मानसिक छळ केला". त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत. याप्रकरणी दोन्ही आरोपींना पोलीस कोठडी सुनावण्यात आली आहे.

याच पार्श्वभूमीवर आता मोठी माहिती समोर येत आहे ती म्हणजे या प्रकरणात आता पीएसआय गोपाल बदनेकडे तीन पेन ड्राईव्ह तर प्रशांत बनकरकडे लॅपटॉप सापडला आहे. आता हे साहित्य पोलिसांनी ताब्यात घेतलं असून त्याची कसून तपासणी सुरू आहे. या प्रकरणात आरोपी पीएसआय गोपाल बदने आणि प्रशांत बनकर यांच्याकडे मिळालेल्या या पुराव्यांच्या आधारे मोठी तपास मोहीम सुरू करण्यात आली आहे.