कारवाई करा, शाहू जयंती साजरी करणारच; समरजित घाटगेंचा इशारा

सतेज औधकर | भाजपचे कोल्हापूर जिल्हाध्यक्ष व शाहू कारखान्याचे प्रमुख तसेच शाहू महाराजांच्या जनक घराण्याचे वंशज समरजितसिंह घाटगे यांना परवानी नाकारल्यानंतर ही राधानगरी धरणावर जाऊन जयंती साजरी करणार असल्याचा इशारा दिला आहे. तसेच काहीही कारवाई करा असे आवाहन देखील त्यांनी दिले आहे.

उद्या शनिवार 26 जून रोजी राजर्षी शाहू महाराजांची जयंती आहे. राधानगरी धरणावर समरजितसिंह घाटगे जयंती साजरी करणार होते. यासाठी गेल्या 15 दिवसांपासून तयारी केली जात होती. तसेच पाच दिवस आधीच या जयंतीसाठी परवानगी मागण्यात आली होती.मात्र आज ऐन वेळी परवानगी नाकारली असल्याचे घाटगे यांनी सांगितले.

ऐन वेळी परवानगी नाकारल्याने घाटगे यांनी आक्रमक पावित्रा घेत, मी सपत्नीक राधानगरी धरणावर जाऊन जयंती साजरी करणार, काहीही कारवाई करा असे आवाहन त्यांनी प्रशासनाला दिले आहे.