Mantralaya
MantralayaTeam Lokshahi

मंत्रालयासमोर एकाच दिवसात तीन जणांचा आत्महत्येचा प्रयत्न; 63 वर्षीय महिलेचा मृत्यू

एका घटनेमध्ये 63 वर्षीय महिलेचा मृत्यू झालेला आहे. तर अन्य दोघांवर जेजे रुग्णालयात उपचार सुरु आहेत.
Published on

मीनाक्षी म्हात्रे | मुंबई : मंत्रालयात एकाच दिवशी तीन आत्महत्येच्या घटनांनी एकच खळबळ उडवून दिलेली आहे. यातील एका घटनेमध्ये 63 वर्षीय महिलेचा मृत्यू झालेला आहे. तर अन्य दोघांवर जेजे रुग्णालयात उपचार सुरु आहेत. याप्रकरणी पोलिस अधिक तपास करत आहेत.

Mantralaya
उमेश पाल अपहरण प्रकरणात अतिक अहमदला जन्मठेपेची शिक्षा

शीतल गादेकर (वय 63) महिलेचा उपचारादरम्यान मृत्यू झाल्याची धक्कादायक घटना घडली आहे. पीडित महिलेची धुळ्यातील नऊ गुंठे जागा एका व्यक्तीने हडप केली होती. याविरोधात ती सरकार दरबारी न्याय मागण्यास आली होती. नैराशेतून महिलेने काल (28 मार्च) मंत्रालयात कीटकनाशक औषध पिऊन आत्महत्येचा प्रयत्न केला होता. आज उपचारादरम्यान तिचा मृत्यू झाला आहे.

दुसऱ्या घटनेत संगीता डवरे या महिलेचे पती नवी मुंबई पोलिस दलात कार्यरत असून त्यांचा काही दिवसांपूर्वी अपघात झाला होता. या अपघातात जखमी महिलेच्या पतीवर रुग्णालयातील डॉक्टरांनी व्यवस्थित उपचार न केल्याने त्यांच्यावर कारवाई व्हावी याबाबत तक्रार नोंदवली होती. संबंधित डॉक्टरांवर कारवाई होत नसल्याचा कारणाने संगीता डवरे यांनी काल मंत्रालयासमोर आत्महत्येचा प्रयत्न केला. संगीता यांच्यावर जे जे रुग्णालयात उपचार सुरू असल्याची माहिती पोलिसांकडून देण्यात आली आहे.

तर, पुण्याच्या मावळ तालुक्यातील रमेश मोहिते यांनी मंत्रालयात आत्महत्येचा प्रयत्न केला. अपंगांना अनुदानात वाढ करून देण्यात यावी यासाठी रमेश मोहिते अंगावर ज्वलनशील पदार्थ ओतून घेत स्वतःला पेटवून घेण्याचा प्रयत्न केला. वेळीच पोलिसांनी त्यांना ताब्यात घेतल्याने मोठा अनर्थ टळला आहे. याप्रकरणी त्यांना नोटीस देण्यात आलेली आहे. पोलीस अधिक तपास करत आहेत.

logo
Lokshahi Marathi News
www.lokshahi.com