मुंबई-आग्रा महामार्गावर नवीन कसारा घाटात ट्रकचा अपघात, 1 ठार 3 गंभीर जखमी

मुंबई-आग्रा महामार्गावर नवीन कसारा घाटात भीषण अपघात झाला असून नाशिकहून मुंबईच्या दिशेने जाणाऱ्या माल वाहतूक ट्रकचा ब्रेक फेल झाल्याने हा ट्रक पहाटे 4 वाजता 100 फूट खोल दरीत कोसळला.

या अपघाताची माहिती मिळताच आपत्ती व्यवस्थापन टीमने भरपावसात घटनास्थळी धाव घेऊन पहाटे 4 ते 7 पर्यंत च्या अथक प्रयत्नाने गंभीर जखमी असलेल्या 3 जणांना सुखरुप बाहेर काढले.

तर 1 जणांचा जागीच मृत्यू झाल्याने मृतदेह कसारा येथील प्राथमिक आरोग्य केंद्रात पाठवण्यात आला आहे. यावेळी आपत्ती व्यवस्थापन टीम चे शाम धुमाळ,मनोज मोरे,दत्ता वाताडे अक्षय राठोड विनोद आयरे,लक्ष्मण वाघ,देवा वाघ,जस्सी यांनी 3 तास अथक प्रयत्न करून 3 गंभीर जखमींना वाचविण्यात यश आले.