Audio Clip : मालेगावमधील चिमुकलीवरील अत्याचार प्रकरण; रमेश पाटील आणि सुहास कांदे यांच्यातील संभाषण समोर

थोडक्यात बातमी वाचण्यासाठी खाली स्क्रोल करा...

(Audio Clip) मालेगाव तालुक्यातील डोंगराळे येथे एक धक्कादायक घटना घडली. तीन वर्षीय चिमुकलीवर लैंगिक अत्याचार करून तिचा दगडाने ठेचून तिची हत्या करण्यात आली. खेळण्यासाठी बाहेर गेलेली चिमुकली खूपवेळ घरी आलीच नाही, त्यामुळे कुटुंबीयांनी शोधाशोध सुरू केला, काही तासांनंतर घराच्यांनी पोलिसांत तक्रार दाखल केली.

त्यानंतर रात्री उशिरा गावकऱ्यांना मोबाईल टॉवरशेजारी तिचा मृतदेह आढळला. चेहरा छिन्नविछिन्न अवस्थेत असल्याने तिची हत्या झाल्याचे प्रथमदर्शनीच स्पष्ट झाले. या घटनेची माहिती मिळताच अप्पर पोलीस अधीक्षक तेघबीर सिंग संधू, पोलीस निरीक्षक प्रीतम चौधरी आणि अन्य अधिकाऱ्यांनी तातडीने घटनास्थळी धाव घेतली.

पोलीसांनी तत्काळ तपास सुरू करून विजय संजय खैरनार (२४) या तरुणाला ताब्यात घेतले. चौकशीत त्याने गुन्ह्याची कबुली दिल्याची माहिती समोर आली. आरोपीला न्यायालयात हजर केल्यानंतर त्याला २० नोव्हेंबरपर्यंत पोलीस कोठडी सुनावण्यात आली आहे. त्यानंतर आज पुन्हा एकदा आरोपीला न्यायालयात हजर करण्यात येणार आहे.

याच पार्श्वभूमीवर आता या प्रकरणात रमेश पाटील आणि सुहास कांदे यांच्यातील संभाषण समोर आले आहे. या दोघांची ऑडिओ क्लिप व्हायरल झाली आहे. या ऑडिओ क्लिपमध्ये आरोपीला मारुन टाकण्याची भाषा केली जात असल्याचे पाहायला मिळत आहे. रमेश पाटील आणि सुहास कांदे यांच्यातील संभाषणाची रेकॉर्डिंग समोर आली आहे. लोकशाही मराठी या ऑडिओ क्लीपची पुष्टी करत नाही.

Summery

• मालेगावमधील चिमुकलीवरील अत्याचार प्रकरण

• रमेश पाटील आणि सुहास कांदे यांच्यातील संभाषण समोर

• संभाषणात आरोपीला मारुन टाकण्याची भाषा