Pune : पुण्यात अजित पवार, मुरलीधर मोहोळ यांची प्रतिष्ठा पणाला; कोण बाजी मारणार?
थोडक्यात बातमी वाचण्यासाठी खाली स्क्रोल करा...
(Pune) महाराष्ट्रातील 29 महानगरपालिकांसाठी काल मतदान पार पडलं. सकाळी साडेसात वाजल्यापासून मतदानाला सुरुवात झाली आणि संध्याकाळी 5.30 वाजेपर्यंत मतदारांना मतदानाचा हक्क बजावता आला. मुंबई, ठाणे, नवी मुंबई, पुणे, पिंपरी–चिंचवड, सोलापूर, कोल्हापूर, इचलकरंजी, सांगली–मिरज–कुपवाड, नाशिक, मालेगाव, अहिल्यानगर, जळगाव, धुळे, छत्रपती संभाजीनगर, नांदेड–वाघाळा, परभणी, जालना, लातूर, अमरावती, अकोला, नागपूर, चंद्रपूर, उल्हासनगर, कल्याण–डोंबिवली, भिवंडी–निजामपूर, मीरा–भाईंदर, वसई–विरार, पनवेल या 29 महानगरपालिकांमध्ये काल मतदान पार पडलं.
आज मतमोजणी पार पडणार असून सकाळी 10 वाजल्यापासून मतमोजणीला सुरूवात होणार आहे. कायदा-सुव्यवस्था राखण्यासाठी पोलिसांचा कडेकोट बंदोबस्त तैनात करण्यात आल्याचे पाहायला मिळत आहे. पालिकांवर कोणाचा दबादबा राहणार हे आज स्पष्ट होणार असून आता कोण बाजी मारणार हे पाहणं महत्त्वाचे ठरणार आहे.
पुणे पालिका निवडणुकीत अजित पवार, मुरलीधर मोहोळ यांची प्रतिष्ठा पणाला लागली असून यासोबतच वसंत मोरे, प्रशांत जगताप, रुपाली पाटील, गणेश बिडकर, रवींद्र धंगेकर, अमोल बालवडकर, नाना भानगिरे यांची ही प्रतिष्ठा पणाला लागली आहे. त्यामुळे आता मुरलीधर मोहोळ गड राखणार की अजित दादा किंगमेकर होणार? याकडे सर्वांचे लक्ष लागले आहे.
Summary
पुणे पालिका निवडणुकीची रणधुमाळी
अजित पवार आणि मुरलीधर मोहोळ यांची प्रतिष्ठा पणाला
मोहोळ गड राखणार की अजित दादा किंगमेकर होणार? याकडे लक्ष
