Pune Breaking : कोंढवा गोळीबार: गणेश काळे प्रकरण; मुख्य सूत्रधार बंडू आंदेकरच , पोलीस तपासात माहिती समोर
थोडक्यात
पुणे गणेश काळे हत्या प्रकरण
खुनाचा मुख्य सूत्रधार बंडू आंदेकरच
पोलीस तपासात माहिती समोर
(Pune Breaking) कोंढवा परिसरात गोळीबार करण्यात आला. या गोळीबारात एकाचा मृत्यू झाला आहे. गणेश काळे गोळीबारात मृत्यू झालेल्या व्यक्तीचे नाव आहे. गणेश काळे हा आंदेकर टोळीतील दत्ता काळे याचा भाऊ असल्याची माहिती मिळत आहे. या घटनेमुळे परिसरात दहशतीचे वातावरण निर्माण झाले आहे.
गणेश काळेवर सहा राऊंड फायर करण्यात आल्याची प्राथमिक माहिती असून त्याच्यावर कोयत्याने देखील वार करण्यात आले असल्याची माहिती मिळत आहे. याच पार्श्वभूमीवर गँगस्टर बंडू आंदेकर आणि कृष्णा आंदेकर यांच्यासह नऊ जणांवर गुन्हा दाखल करण्यात आल्याची माहिती मिळत आहे.
कोंढवा पोलीस स्टेशनमध्ये हा गुन्हा दाखल करण्यात आला असून आता पोलीस तपासातून एक नवीन माहिती समोर आली आहे. पुण्यातील कोंढवा येथील गणेश काळे याची हत्या ही टोळी युध्दातूनच झाली असून या प्रकरणाचा मुख्य सूत्रधार बंडू आंदेकरच असल्याची माहिती समोर आली आहे. यातील तीन आरोपींना 6 नोव्हेंबर पर्यंत पोलीस कोठडी सुनावली आहे.
