Dharavi Accident : धारावी येथे भरधाव ट्रकच्या धडकेत 8 वर्षीय मुलाचा मृत्यू

(Dharavi Accident ) धारावी येथे भरधाव ट्रकच्या धडकेत 8 वर्षीय मुलाचा मृत्यू झाल्याची घटना घडली आहे.विराज केडिया असे या मुलाचे नाव असून मंगळवारी दुपारी ही घटना घडली. आयशार ट्रक सायन हॉस्पिटकडून धारावीच्या कुंभारवाडा जंक्शनच्या दिशेने येत असताना

8 वर्षाचा मुलगा हा रस्ता ओलांडत होता आणि त्यावेळी चालकाचे गाडीवरील नियंत्रण सुटले आणि अपघात झाला. या अपघातात मुलगा जखमी झाला. मुलाला उपचाराकरता जवळच्या सायन रुग्णालयात नेण्यात आले मात्र उपचारादरम्यान त्याचा मृत्यू झाला.

या प्रकरणी ट्रक चालकास शाहू नगर पोलिसांनी ताब्यात घेतले असून पुढील तपास सुरू असल्याचे पोलिसांनी सांगितले.