Mumbai Metro 3 : मुंबई मेट्रो - 3 च्या प्रवाशांना लवकरच मिळणार इंटरनेट सेवा
थोडक्यात
भुयारी मार्गात इंटरनेट ‘ब्लॉक’, प्रवाशांमध्ये नाराजी
मेट्रो रेल्वे-3 च्या प्रवाशांना लवकरच इंटरनेट सेवा
मुंबई मेट्रो टप्पा–3 वरील जेव्हीएलआर ते कफ परेड मार्गावरील भुयारी मेट्रो रेल्वेला प्रवाशांचा चांगला प्रतिसाद
(Mumbai Metro 3 :) मुंबई मेट्रो 3 ला मुंबईकरांचा मोठा प्रतिसाद पाहायला मिळत आहे. भूमीगत मेट्रो ३ पूर्ण मार्गावर सुरू झाल्यावर पहिल्याच दिवशी दीड लाख प्रवाशांनी प्रवास केल्याची माहिती मिळत आहे. मात्र त्यानंतर प्रवाशांना अनेक समस्यांना जाणवत होत्या.
प्रवाशांना व्यवस्थित नेटवर्क मिळत नाही, नेटवर्क नसल्याने कोणाला फोन देखील करु शकत नाही. प्रवाशांनी UPI पेमेंट करण्यास, ऑनलाइन तिकिटे बुक करताना अडचण येत असल्याचे प्रवाशांचे म्हणणे होते. त्यामुळे प्रवाशांमध्ये नाराजी आहे.
मात्र आता प्रवाशांना लवकरच इंटरनेट सुविधा मिळणार असल्याची माहिती मिळत आहे. मुंबई मेट्रो टप्पा–3 वरील जेव्हीएलआर ते कफ परेड मार्गावरील भुयारी मेट्रो रेल्वेला प्रवाशांचा चांगला प्रतिसाद मिळत असून प्रवाशांची संख्याही वाढण्याची चिन्हे आहेत.
