Mumbai BJP : 'मुंबईत भाजपचा घरोघरी प्रचार सुरू करा; तिकीट आणि उमेदवारी घोषणेची वाट बघू नका', भाजप पदाधिकाऱ्यांना पक्ष नेतृत्वाचे आदेश

थोडक्यात बातमी वाचण्यासाठी खाली स्क्रोल करा...

(Mumbai BJP ) येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जागांसाठी ही निवडणूक होणार आहे. 23 डिसेंबर ते 30 डिसेंबर या कालावधीमध्ये महापालिका निवडणुकीसाठी उमेदवारांना आपले उमेदवारी अर्ज दाखल करता येणार आहेत.

तर 31 डिसेंबर रोजी उमेदवारांच्या अर्जाची छाननी होणार आहे. तर 2 जानेवारी 2026 पर्यंत उमेदवारांना आपले अर्ज मागे घेता येणार आहेत. 3 जानेवारी रोजी चिन्हाचं वाटप होणार आहे. याच पार्श्वभूमीवर राजकीय पक्ष तयारीला लागले आहेत. याच पार्श्वभूमीवर भाजप जोरदार तयारीला लागल्याचे पाहायला मिळत आहे.

'मुंबईत भाजपचा घरोघरी प्रचार सुरू करा' असे भाजप पदाधिकाऱ्यांना पक्ष नेतृत्वाने आदेश दिले असल्याची माहिती मिळत आहे. 'तिकीट आणि उमेदवारी घोषणेची वाट बघू नका' प्रमुख पदाधिकारी, कार्यकर्त्यांना घरोघरी प्रचाराच्या सूचना देण्यात आल्या असून भाजप मुंबई निवडणूक संचलन समितीच्या बैठकीत ही रणनीती ठरल्याची माहिती मिळत आहे.

Summary

• 'मुंबईत भाजपचा घरोघरी प्रचार सुरू करा'

• भाजप पदाधिकाऱ्यांना पक्ष नेतृत्वाचे आदेश

• 'तिकीट आणि उमेदवारी घोषणेची वाट बघू नका'