Lahore : पाकिस्तानच्या लाहोरमध्ये स्फोट; नागरिकांमध्ये भीतीचं वातावरण

भारतीय सैन्यदलानं (Indian Army) पाकव्याप्त काश्मीरमध्ये 9 ठिकाणांवर एअर स्ट्राइक केला. भारताविरोधात दहशतवादी हल्ला ज्या ठिकाणी करण्याची योजना तयार करण्यात आली त्या 9 ठिकाणांवर हल्ले करण्यात आले. भारताकडून ऑपरेशन सिंदूर (Operation Sindoor) अंतर्गत पाकिस्तान आणि पीओकेतील 9 दहशतवादी तळांवर एअर स्ट्राईक करण्यात आला.

पहलगाम दहशतवादी हल्ल्यानंतर पाकिस्तानच्या अडचणी वाढल्या असल्याचे पाहायला मिळत आहे. यातच पाकिस्तानच्या लाहोर शहरात एका मागोमाग एक असे 3 बॉम्बस्फोट झाल्याची माहिती मिळत आहे.

वॉल्टन विमानतळाजवळ असलेल्या लाहोरमधील गोपाल नगर आणि नसीराबाद भागात या स्फोटांचे आवाज ऐकू आले. स्फोट होताच नागरिकांची पळापळ सुरु झाली असून लाहोर विमानतळ बंद करण्यात आल्याची माहिती मिळत आहे.