पश्चिम रेल्वेच्या नव्या रेल्वे रुळ जोडणीसाठी ब्लॉक सुरु

पश्चिम रेल्वेच्या नव्या रेल्वे रूळजोडणीचा ब्लॉक सुरू झाल्यानंतर लोकलने प्रवास करणाऱ्या प्रवाशांच्या अडचणीत वाढ झाली आहे. खार ते गोरेगावदरम्यान रेल्वे रूळजोडणीचे काम सुरू असले तरी त्याचा परिणाम चर्चगेट ते विरार, डहाणू रोडसह मध्य रेल्वेच्या हार्बर मार्गावरही दिसून आला.

आज, रविवारपासून शुक्रवारपर्यंत रोज ३१६ लोकल फेऱ्या रद्द राहणार असून २०० फेऱ्यांना लेटमार्क लागणार असल्याने नव्या आठवड्यात प्रवाशांना त्रास सहन करतच प्रवास करावा लागणार आहे. खार ते गोरेगावदरम्यान रेल्वे रूळजोडणीचे काम सुरू असले तरी त्याचा परिणाम चर्चगेट ते विरार, डहाणू रोडसह मध्य रेल्वेच्या हार्बर मार्गावरही दिसून आला. पश्चिम रेल्वे स्थानकातील गर्दी टाळण्यासाठी अनेक प्रवाशांनी रस्तेमार्गे प्रवासाचा पर्याय निवडला.