Budget 2024 LIVE : टॅक्स स्लॅबमध्ये कोणताही बदल नाही – निर्मला सीतारमण

10 वर्षांत आयकर संकलन 3 पटीने वाढले. खर्च 44.90 कोटी रुपये असून अंदाजे महसूल 30 लाख कोटी रुपये आहे.

केंद्रीय अर्थमंत्री निर्मला सीतारमण यांनी अंतरिम अर्थसंकल्पाचं भाषण पूर्ण केलं आहे. जुलै महिन्यात आमचं सरकार पूर्ण अर्थसंकल्प सादर करेल, असे निर्मला सीतारमण यांनी सांगितले.

टॅक्स स्लॅबमध्ये कुठलाच बदल नाही. इन्कम टॅक्स गेल्यावर्षीप्रमाणेच राहणार आहे.

वार्षिक 7 लाखांपर्यंतच्या उत्पन्न असणाऱ्या करदात्यांना कर नाही भरावा लागणार.

तीन रेल्वे कॉरिडॉर सुरू केले जाणार आहे. पॅसेंजर रेल्वे गाड्यांचे कामकाज सुधारण्यात येणार आहे. मालवाहतूक प्रकल्पही विकसित केला जाणार आहे.

517 नवीन विमान मार्ग प्रस्तावित केले आहेत.

आपण गरीब, महिला, तरुण व शेतकरी/अन्नदात्यावर लक्ष केंद्रित करणे आवश्यक आहे; त्यांच्या गरजा, आकांक्षा आणि कल्याण हे आमचे सर्वोच्च प्राधान्य आहे.

महिला सशक्तीकरणावर सरकारचा भर . गेल्या 10 वर्षांत महिला उच्च शिक्षण घेत आहेत.

आमचे सरकार सर्वांगीण, सर्वसमावेशक आणि सर्वव्यापी विकासाच्या दिशेने काम करत आहे, त्यात सर्व जाती आणि स्तरातील लोकांचा समावेश होतो.

अंतरिम बजेट देशासाठी चांगलं असेल - पंतप्रधान नरेंद्र मोदी

अंतरिम बजेट २०२४ ला राष्ट्रपती द्रौपदी मुर्मू यांनी मंजुरी दिली आहे. 

अर्थसंकल्प मंजुरीसाठी मंत्रिमंडळाची बैठक सुरू झाली आहे.

अर्थसंकल्पाच्या प्रती संसद भवनात पोहोचल्या आहेत. 

अर्थमंत्री निर्मला सितारामण संसदेत दाखल. थोड्याच वेळात बजेट सादर होणार

बजेट तयार करणाऱ्या टीमचे फोटो सेशन पार पडले. 

अर्थमंत्री निर्मला सीतारमण राष्ट्रपती भवनात पोहोचल्या आहेत.

आज 1 फेब्रुवारी 2024 पासून नवे दर लागू झाले आहेत. मुंबईत व्यावसायिक सिलेंडर आता 1723 रुपयांना मिळणार आहे. याच्याआधी 1708 रुपयांना मिळत होता. व्यावसायिक सिलेंडरच्या किमती 14 रुपयांनी वाढवण्यात आल्या आहेत.

आज अर्थसंकल्प सादर होणार आहे. याकडे सर्वांचे लक्ष लागले आहे. अर्थमंत्री निर्मला सीतारमणआज 1 फेब्रुवारी 2024 रोजी अर्थसंकल्प सादर करणार आहेत. मोदी सरकारच्या दुसऱ्या कार्यकाळातील संसदेचे अखेरच्या अधिवेशनाला सुरुवात झाली आहे.