महाविकास आघाडीचे नेतेच अजित पवार यांना बदनाम करण्याचा प्रयत्न करतात - चंद्रशेखर बावनकुळे
संतोष आवारे, अहमदनगर
अहमदनगर येथे जिल्हा तालीम संघ भाजप आणि शिवसेना यांच्या पुढाकाराने कुस्ती स्पर्धेचं आयोजन करण्यात आलं आहे. छत्रपती शिवराय केसरी राज्य निमंत्रित कुस्ती अस या स्पर्धेला नाव देण्यात असून राज्यभरातून बाराशे कुस्तीगीर सहभागी झाले आहेत.
भाजप प्रदेशाध्यक्ष चंद्रशेखर बावनकुळे आणि महसूल मंत्री राधाकृष्ण विखे पाटील यांच्या उपस्थितीत स्पर्धेचे उद्घाटन करण्यात आलं. यावेळी त्यांनी महाविकास आघाडीवर निशाणा साधला आहे.सध्या ज्या वावड्या उडतायेत त्यामध्ये तथ्य नसून भारतीय जनता पार्टीकडे आजपर्यंत तसा कोणताही प्रस्ताव आलेला नाही मागच्या तीन महिन्यांपासून राज्याचे विरोधी पक्ष नेतेही मला भेटलेले नाहीत महाविकास आघाडीचे नेते मात्र अजित दादा पवार यांना बदनाम करण्याचा प्रयत्न करत असल्याचं विधान भाजपचे प्रदेशाध्यक्ष चंद्रशेखर बावनकुळे यांनी स्पष्ट केलंय.