Buldhana Accident : अपघाताच्या घटनेची चौकशी करणार; उपमुख्यमंत्री फडणवीसांची माहिती

Buldhana Accident : समृद्धी महामार्गावर अपघातांची मालिका सुरु आहे. अनेक नागरिकांना आपले प्राण गमवावे लागले आहेत. समृद्धी महामार्गावर सिंदखेडराजा येथील पिंपळखुटा गावात हा भीषण अपघात झाला. बस डिव्हायडरवर आदळली. त्यानंतर बसने पेट घेतला आणि त्यात 25 जणांचा होरपळून मृत्यू झाला.

बसचा टायर फुटला. त्यामुळे बस खांबाला जाऊन धडकली. त्यानंतर ही बस अनियंत्रित झाली आणि समृद्धी महामार्गावरील डिव्हायडरला जाऊन आदळली. त्यामुळे बस पलटी झाली. बस पलटी होताच बसला भीषण आग लागली. काही प्रवाशांनी काचेची खिडकी तोडली आणि बाहेर पडले. या अपघातातून ड्रायव्हरसह 8 जण बचावले आहेत. मात्र 25 जणांचा होरपळून मृत्यू झाला.

याबाबतचे आदेश देण्यात आल्याची माहिती उपमुख्यमंत्री देवेंद्र फडणवीस यांनी दिली. उपाययोजना करत आहोत. याठिकाणी अपघात होणार नाहीत यासाठी प्रयत्न करत आहोत. या घटनेची चौकशी करण्यात येणार आहे. असे फडणवीस म्हणाले.