Donald Trump : डोनाल्ड ट्रम्प यांची मोठी घोषणा!, 'या' निर्णयाने उडवली जगाची झोप
Donald Trump's big Announcement : अमेरिकेचे माजी अध्यक्ष आणि पुन्हा अध्यक्षपदाच्या शर्यतीत असलेले डोनाल्ड ट्रम्प यांनी चीनविरोधात एकामागून एक आक्रमक निर्णय घेण्यास सुरुवात केली आहे. काही तासांपूर्वीच त्यांनी चीनवर 100 टक्के आयात शुल्क (टॅरिफ) लावण्याची घोषणा केली होती. त्यानंतर आता त्यांनी आणखी एक धक्कादायक निर्णय घेतला असून, यामुळे जगभरात खळबळ उडाली आहे.
नवीन घोषणेनुसार, ट्रम्प प्रशासनाने रशियाकडे एक मोठा प्रस्ताव ठेवला आहे. या प्रस्तावानुसार, रशियाने चीनच्या विमानांसाठी आपले हवाई क्षेत्र बंद करावे, अशी मागणी अमेरिका करत आहे. अमेरिकेच्या म्हणण्यानुसार, चीनमधील विमान कंपन्या रशियाच्या हवाई मार्गाचा वापर करून अमेरिकेत येतात, त्यामुळे त्यांचा वेळ आणि इंधनाची बचत होते. परिणामी, अमेरिकन एअरलाइन्स कंपन्यांचे मोठे नुकसान होत आहे. दरम्यान, चीनने अमेरिकेला होणारा ‘रेअर अर्थ मिनरल्स’चा पुरवठा थांबवला आहे, तसेच अमेरिकेतील सोयाबीन आयात न करण्याचा निर्णय घेतला आहे. यामुळे अमेरिकेतील शेतकरी वर्गात प्रचंड अस्वस्थता निर्माण झाली आहे. चीन हा अमेरिकन सोयाबीनचा सर्वात मोठा खरेदीदार देश आहे, त्यामुळे या निर्णयाचा अमेरिकन बाजारावर मोठा परिणाम झाला आहे.
ट्रम्प यांच्या या निर्णयामुळे चीन आणि अमेरिकेमधील व्यापार संबंध अधिकच तणावपूर्ण झाले आहेत. तसेच, रशियाला केलेल्या मागणीमुळे रशिया-अमेरिका संबंधांमध्येही तणाव वाढण्याची शक्यता आहे. तज्ज्ञांच्या मते, ट्रम्प यांचा हा निर्णय जागतिक व्यापार आणि अर्थव्यवस्थेवर परिणाम करणारा ठरू शकतो. सध्या रशिया आणि युक्रेन यांच्यात सुरू असलेल्या युद्धाच्या पार्श्वभूमीवर, अमेरिकेचा हा दबाव जिओ-पॉलिटिकल पातळीवरही महत्त्वाचा मानला जात आहे.
