Nashik : गोपीचंद पडळकरांच्या सभेत झळकले लॉरेन्स बिश्नोईचे बॅनर, मुख्यमंत्र्यांची गंभीर दखल

पहलगाम येथे दशदवाद्यांनी २६ पर्यटकांची हत्या केली होती. या हत्येच्या निषेधार्थ नाशिक शहरातील सिडकोमध्ये भाजप आमदार गोपीचंद पडळकर यांची "हिंदू विराट" सभा घेण्यात आली होती. या सभेत नथुराम गोडसे, गँगस्टर लॉरेन्स बिष्णोई यांचे फलक दिसल्याने एकच खळबळ उडाली होती. या सभेला मंत्री दादा भुसे,अविष्कार भुसे, शिवसेनेचे दीपक बडगुजर, भाजप चे व्यंकटेश मोरे, यांच्यासह विविध हिंदुत्वनिष्ठ पदाधिकारी उपस्थित होते.

यानंतर सदर या सभेप्रकरणी राज्याचे मुख्यमंत्री देवेंद्र फडणवीसांनी याची गंभीर दखल घेतली आहे. याबाबत पुण्यात वक्तव्य केले आहे. त्यानंतर नाशिक पोलीस एक्शन मोड वर आले असून त्यांनी याचा तपास सुरु केला आहे. याप्रकरणी १० ते १२ वर्षाच्या अल्पवयीन मुलाला जबरदस्तीने बिष्णोईचा फोटो दिला असल्याचा संशय व्यक्त केला जात आहे. या संशयावरून एका अज्ञात तरुणाविरुद्ध गुन्हा दाखल करण्यात आला आहे. या प्रकरणामुळे पोलीस यंत्रणा सक्रिय झाली असून तपास सुरु आहे.