Vishal Patil: 1 लाखांच्या मताधिक्याने अपक्ष उमेदवार विशाल पाटील विजयी

सांगली लोकसभा निवडणुकीमध्ये काँग्रेसचे बंडखोर उमेदवार विशाल पाटलांनी ऐतिहासिक विजय मिळवला आहे. त्यांच्या विजयाने भाजपाचे संजयकाका पाटील यांची हट्रिक चुकली आहे, तब्बल एक लाखांच्या मतांच्या फरकांनी विशाल पाटलांनी आपला विजय नोंदवला आहे.

विशाल पाटील यांना 5 लाख 69 हजार 687 मते मिळाली असून 1 लाख 1 हजार 94 मतांच्या मताधिक्ययाने त्यांचा विजय झाला आहे. सांगली लोकसभेसाठी तिरंगी अशी लढत झाली होती. महाविकास आघाडीकडून शिवसेना ठाकरे गटाचे चंद्रहार पाटील, भाजपाचे संजयकाका पाटील आणि काँग्रेसचे बंडखोर विशाल पाटील यांच्या तिरंगी झाली होती, अत्यंत चुरशीने पार पडलेल्या लढतीमध्ये आज पार पडलेल्या मतमोजणीत विशाल पाटलांनी दणदणीत,असा विजय मिळवला आहे.