भाजपकडून अमल महाडिक यांचा उमेदवारी अर्ज दाखल

सतेज औंधकर, कोल्हापूर | विधानपरिषदेच्या कोल्हापूर स्थानिक स्वराज्य संस्था निवडणूकीसाठी भाजपचे उमेदवार माजी आमदार अमल महाडिक यांनी सोमवारी दुपारी उमेदवारी अर्ज दाखल केला. निवडणूक निर्णय अधिकारी तथा जिल्हाधिकारी राहूल रेखावार यांच्याकडे उमेदवारी अर्ज दाखल केला.

कोल्हापूर विधान परिषदेच्या निवडणुकीसाठी भाजपकडून अमल महादेवराव महाडिक यांनी आपला उमेदवारी अर्ज दाखल केला आहे. या अर्ज दाखल करताना अमल महाडिक यांच्या समवेत भाजपचे प्रदेशाध्यक्ष चंद्रकांत दादा पाटील, भाजपचे ग्रामीण जिल्हाध्यक्ष समरजित सिंह घाटगे, जनसुराज्य शक्ती पक्षाचे नेते जयंत पाटील, आमदार प्रकाश आवाडे हे उपस्थित होते. या निवडणुकीत भाजप विरुद्ध महाविकासआघाडी म्हणजेच सतेज पाटील विरुद्ध अमोल महाडिक असा सामना रंगणार असल्याचे स्पष्ट झाले आहे.