Nitin Deshmukh
Nitin Deshmukh Team Lokshahi

चौकशीनंतर आपल्याला अटक करतील; नितीन देशमुख ACB कार्यालयाकडे रवाना

कपडे बॅगेत भरून नितीन देशमुख निघाले, आज होणार चौकशी

सुरज दहाट | अमरावती : बेहिशेबी मालमत्ताप्रकरणी ठाकरे गटाचे आमदार नितीन देशमुख यांना आज चौकशीसाठी एसीबी कार्यालयात हजर राहण्याची नोटीस बजावली होती. यानुसार एसीबी समोर हजर होण्यासाठी आमदार देशमुख रवाना झाले आहेत. यावेळी त्यांनी सोबत कपड्यांची बॅगही घेतली आहे. एसीबीसमोर हजर झाल्यानंतर आपल्याला अटक करतील व आत टाकतील. त्या हिशोबाने तयारीला केली असल्याची प्रतिक्रिया नितीन देशमुख यांनी दिली आहे.

Nitin Deshmukh
Ulhas Bapat : निवडणूक आयोगाने चुकीचा निर्णय दिला तर...; उल्हास बापट काय म्हणाले?

अकोला जिल्ह्यातील बाळापूर मतदार संघाचे आमदार नितीन देशमुख हे आज अमरावतीच्या एसीबीच्या विभागीय कार्यालयात चौकशीसाठी हजर होणार आहेत. नितीन देशमुख आज चौकशीनिमित्ताने मोठं शक्तीप्रदर्शन करुन रवाना झाले आहेत. नितीन देशमुख अकोल्यातील त्यांच्या कार्यालयातून अमरावतीकडे रवाना झाले आहेत.

अकोल्यातून जवळपास ७०० कार्यकर्ते देशमुखांसोबत अमरावती येथे रवाना झाले आहेत. आपल्याला अटक होईल या पार्श्वभूमीवर नितीन देशमुख पूर्ण तयारी करून रवाना झाले आहेत. यावेळी त्यांच्या पत्नीने त्यांना औक्षण घातले असून कपडे आणि सामानही सोबत घेतले आहेत.

Nitin Deshmukh
ठाकरे गटाला नागपुरात मोठा धक्का; उपजिल्हाप्रमुखांचा राजीनामा

दरम्यान, अमरावतीचे एसीबी कार्यालयात हजर झाल्यानंतर आपल्याला अटक करतील. त्यानंतर आत टाकतील. त्या हिशोबाने तयारीला लागलो आहे. म्हणूनच आज घरून कपडे घेऊन चाललो आहे. कारण की हुकूमशाहीच्या पद्धतीने सरकार चालू आहे. इंग्रजापेक्षा हे खराब लोक आहेत, असा आरोप देशमुख यांनी केला आहे.

logo
Lokshahi Marathi
www.lokshahi.com