Abhishek Ghosalkar : मॉरिसच्या पत्नीने पोलीस चौकशीत दिली ‘ही’ मोठी माहिती

ठाकरे गटाचे माजी नगरसेवक अभिषेक घोसाळकर यांच्यावर गोळीबार करण्यात आला. त्यांना तातडीने जवळील रुग्णालयात दाखल करण्यात आलं होतं. पण या गोळीबारात अभिषेक घोसाळकर यांचा मृत्यू झाला आहे. घोसाळकर यांच्यावर गोळ्या झाडणारा मॉरिस याने स्वत:ला देखील गोळ्या झाडल्या. मॉरिसने आधी त्याच्या अधिकृत फेसबुक अकाउंटवर फेसबुक लाईव्ह केलं. त्यांनी समाजासाठी आम्ही एकत्र आल्याचं म्हटलं. अभिषेक घोसाळकर यांचं बोलणं संपवून उठत असताना त्यांच्यावर अचानक गोळ्या झाडण्यात आल्या. गोळ्या झाडल्यानंतर मॉरिसनंही स्वतःवर गोळ्या झाडून घेतल्या.

याच पार्श्वभूमीवर घटनेची संपूर्ण माहितीसाठी पोलिसांकडून मॉरिसच्या पत्नीचा जबाब नोंदवला जात असल्याची माहिती मिळत आहे. या जबाबात मॉरिशच्या पत्नीने पोलिसांना सांगितलं की, मॉरिशच्या मनात घोसाळकर यांच्या विरुद्ध तीव्र संताप होता. अशात साडेचार महिने मॉरिस हा बलात्काराच्या गुन्ह्यात तुरुंगात राहून आला होता. तुरुंगातून जामीनावर घरी आल्यानंतर मॉरिस हा सारखा मी अभिषेक घोसाळकर याला सोडणार नाही. मारून टाकणार असं बोलत होता. अशी माहिती मॉरिसच्या पत्नीने पोलीस चौकशीत दिल्याचे समजते.