राज्याची अर्थव्यवस्था 1 ट्रिलियनचं स्वप्न पूर्ण होणार?

महाराष्ट्राची अर्थव्यवस्था एक ट्रिलियनची व्हावी यासाठी मित्रा या संस्थेनं राज्य सरकारला 341 शिफारशी केल्या आहेत. या शिफारशींमध्ये महाराष्ट्रात दीडशे मिलियन डॉलर किंमतीचे प्रकल्पांची गुंतवणूक गरजेचं असल्याचं सांगण्यात आलं आहे. या प्रकल्पांमध्ये नवी मुंबई विमानतळाजवळ एरोसिटी उभारण्याचा सल्ला देण्यात आला आहे. शिवाय जेएनपीटी, दिघी व वाढवण बंदरांजवळ मॅन्युफॅक्चरिंग क्लस्टर उभारण्याचा सल्ला देण्यात आला आहे.

नवी मुंबईत मिडिया सीटी आणि ठाण्यात फिल्म सीटी आणि थीम पार्क उभारण्याचा सल्ला देण्यात आला आहे. विरार, बोईसर येथे बुलेट ट्रेनसाठी होणाऱ्या स्टेशनसाठीही इंटिग्रेटेड मास्टर प्लॅनिंगची गरज असल्याचे नमूद करण्यात आलं आहे.