सप्तशृंगी देवी संस्थानचा मोठा निर्णय; नवरात्रोत्सवात सप्तशृंगी गडावर देवीचे 24 तास दर्शन

नवरात्रोत्सवाच्या पार्श्वभूमीवर सप्तशृंगी देवी संस्थानने मोठा निर्णय घेतला आहे. नवरात्रोत्सवात सप्तशृंगी गडावर देवीचे 24 तास दर्शन घेता येणार आहे. श्री सप्तशृंगी मातेचे मंदिर हे 15 ते 24 ऑक्टोबरपर्यंत दर्शनासाठी 24 तास खुले ठेवण्यात येणार आहे.

शासकीय अधिकारी, सप्तशृंग निवासिनी ट्रस्ट विश्वस्त, व्यवस्थापक ग्रामपंचायत आदींच्या बैठकीत निर्णय घेण्यात आला आहे. नवरात्रोत्सव काळात हजारो भाविक देवीच्या दर्शनासाठी येत असतात. नांदुरीगड पायथ्याशी येथे बसस्थानक व वाहनतळ उभारण्यात येणार आहे.

नवरात्रीत राज्यभरातून भाविक दर्शनासाठी येत आहेत. दरम्यान या कालावधीत गर्दी होत असते. ही गर्दी लक्षात घेत हा निर्णय घेण्यात आला आहे.