Operation Sindoor: वंदे मातरम्! भारताचा पाकिस्तानवर एअर स्ट्राईक, पहिला PHOTO आला समोर

जम्मू काश्मीरच्या पहलगाममध्ये पर्यटकांवर दहशतवादी हल्ला झाला. पहलगामच्या बैसरन खोऱ्यात हा हल्ला करण्यात आला. जम्मू काश्मीरमधील पहलगाम भागात झालेल्या या दहशतवादी हल्ल्यानंतर संपूर्ण देशात खळबळ उडाली. याच पार्श्वभूमीवर आता मोठी बातमी समोर येत आहे. भारतीय सैन्यदलानं पाकव्याप्त काश्मीरमध्ये 9 ठिकाणांवर एअर स्ट्राइक केला आहे. भारताविरोधात दहशतवादी हल्ला ज्या ठिकाणी करण्याची योजना तयार करण्यात आली त्या 9 ठिकाणांवर हल्ले करण्यात आले. मध्यरात्री दीड वाजता ही कारवाई करण्यात आल्याची माहिती मिळत आहे.

भारताकडून ऑपरेशन सिंदूर (Operation Sindoor ) अंतर्गत पाकिस्तान आणि पीओकेतील 9 दहशतवादी तळांवर एअर स्ट्राईक करण्यात आला. भारतीय सैन्याने पहलगाम दहशतवादी हल्ल्याच्या 15 दिवसांनी ही कारवाई केली. भारताच्या लष्कर, नौदल आणि हवाई दलाने संयुक्तपणे पाकिस्तानमधील दहशतवादी तळांवर क्षेपणास्त्र हल्ले केले.

भारताने पाकिस्तानवर केलेल्या एअर स्ट्राईकनंतर पाकिस्तानमध्ये खळबळ उडाली आहे. भारतीय सेनेच्या या खास मोहिमेला ऑपरेशन सिंदूर असं नाव देण्यात आलं होतं.पंतप्रधान नरेंद्र मोदी स्वतः हे ऑपरेशन सिंदूर करत होते. या एअर स्ट्राईकचा पहिला फोटो आता समोर आला आहे.