Accident News : 'Indian Idol' S12 च्या विजेत्याचा भीषण अपघात

'इंडियन आइडल' Indian Idol 12 व्या सिझनचा लोकप्रिय विजेता गायक पवनदीप राजनचा Pawandeep Rajan आज पहाटे 4.30 वाजता भीषण अपघात झाला. या गंभीर अपघातामध्ये पवनदीपला वाचवण्यात आले आहे. त्याला एका खाजगी रुग्णालयातमध्ये ICU विभागामध्ये दाखल करण्यात आले आहे. पवनदीपच्या अपघाताची बातमी चाहत्यांना मिळताच चाहते तो लवकर बर होण्याची प्रार्थना करत आहेत.

मिळालेल्या माहितीनुसार, दिल्ली- उत्तर प्रदेशातील राष्ट्रीय महामार्गावर गजरौलाजवळ त्याच्या कारचा अपघात झाला. रस्ता अपघाताच्यावेळी पवनदीप उत्तराखंडहून दिल्लीला जात होता. स्थानिक लोकांच्या माहितीवरुन पोहचलेल्या पोलिस पथकाने पवनदीपबरोबरच इतर प्रवाशांना वाचवण्यात आले.

हा अपघात इतका भीषण होता की कारचे अक्षरश: चुराडे झाले आहेत. गाडीच्या अवस्थेवरुन अपघाताची तीव्रता स्पष्टेपण दिसून येते. डॉक्टरांच्या पथकाकडून पवनदीपवर उपचार केले जात आहेत.