Plane Fire During Takeoff : डेन्व्हर विमानतळावर अमेरिकन एअरलाइन्सच्या फ्लाइटला आग, सर्व प्रवासी सुरक्षित
शनिवारी अमेरिकन एअरलाइन्सच्या फ्लाइट AA3023 मध्ये डेन्व्हर आंतरराष्ट्रीय विमानतळावर टेकऑफ दरम्यान विमानाच्या लँडिंग गियरला आग लागल्याने गोंधळ उडाला. या बोईंग 737 मॅक्स मॉडेलच्या विमानात एकूण 173 प्रवासी आणि 6 क्रू मेंबर्स होते, ज्यांना सुरक्षितपणे बाहेर काढण्यात आले. डेन्व्हर अग्निशमन विभागाच्या म्हणण्यानुसार, विमान मियामीसाठी उड्डाण करणार असताना धावपट्टी 34L वर अचानक त्याच्या टायरमध्ये तांत्रिक बिघाड झाला, ज्यामुळे लँडिंग गियरला आग लागली. आपत्कालीन प्रतिसाद पथक ताबडतोब घटनास्थळी पोहोचले आणि आग आटोक्यात आणली.
विमानतळ अधिकाऱ्यांनी सांगितले की पाच प्रवाशांची वैद्यकीय तपासणी करण्यात आली, परंतु कोणालाही रुग्णालयात नेण्याची आवश्यकता नव्हती. तथापि, एका व्यक्तीला किरकोळ दुखापतींमुळे खबरदारीच्या उपचारांसाठी रुग्णालयात पाठवण्यात आले.फेडरल एव्हिएशन अॅडमिनिस्ट्रेशन (FAA) ने या घटनेची चौकशी सुरू केली आहे. अमेरिकन एअरलाइन्सने एक निवेदन जारी करून म्हटले आहे की, टायर्सच्या देखभालीच्या समस्येमुळे विमान सध्या ग्राउंड करण्यात आले आहे आणि चौकशी सुरू आहे.
या घटनेचा एक व्हिडिओ सोशल मीडियावर वेगाने व्हायरल होत आहे, ज्यामध्ये विमानाच्या टायरमधून आग आणि धूर निघताना दिसत आहे. त्याच वेळी, घाबरलेले प्रवासी आपत्कालीन स्लाइडमधून बाहेर पडताना दिसत आहेत.अग्निशमन विभाग आणि विमानतळ कर्मचाऱ्यांच्या तत्पर कारवाईमुळे मोठी दुर्घटना टळली. तथापि, या घटनेमुळे पुन्हा एकदा विमान सुरक्षेबाबत चिंता निर्माण झाली आहे.
