ताज्या बातम्या
प्रकाश आंबेडकर यांनी घेतली लक्ष्मण हाकेंची भेट; ट्विट करत म्हणाले...
लक्ष्मण हाके यांच्या उपोषणाचा आज आठवा दिवस आहे.
लक्ष्मण हाके यांच्या उपोषणाचा आज आठवा दिवस आहे. जालन्यातील वडीगोद्री येथे लक्ष्मण हाके उपोषण करत आहेत. ओबीसी आरक्षणाला धक्का लागू नये या मागणीसाठी लक्ष्मण हाके उपोषणाला बसले आहेत.
आज प्रकाश आंबेडकर यांनी लक्ष्मण हाके यांची भेट घेतली आहे. ही भेट घेतल्यानंतर प्रकाश आंबेडकर यांनी ट्विट केलं आहे. प्रकाश आंबेडकर ट्विट करत म्हणाले की, वडीगोद्री, जि. जालना येथे ओबीसी आरक्षण आंदोलक प्रा. लक्ष्मण हाके, नवनाथ पवार यांची भेट घेतली.
यासोबतच ते म्हणाले की, यावेळी आंदोलकांना विनंती केली की, आपण पाणी घ्यावे. आंदोलकांनी विनंतीला मान देऊन पाणी घेतले. आमची आधीपासूनच भूमिका आहे की, ओबीसी आरक्षणाला कुठलाही धक्का लागता कामा नये. मराठा आरक्षणाचे ताट वेगळे आणि ओबीसी आरक्षणाचे ताट वेगळे असावे. असे प्रकाश आंबेडकर म्हणाले.