PM Narendra Modi : पंतप्रधान नरेंद्र मोदी आज पुणे दौऱ्यावर

पंतप्रधान नरेंद्र मोदी आज पुणे दौऱ्यावर येणार आहेत. पुण्यातील पहिला भूमिगत मेट्रो प्रकल्पाचे लोकार्पण पंतप्रधान नरेंद्र मोदी यांच्या हस्ते आज करण्यात येणार आहे. याच निमित्ताने जिल्हा सत्र न्यायालय या मेट्रो स्टेशन ठिकाणी पोलिसांकडून चोख बंदोबस्त तैनात करण्यात आला आहे.

यासोबतच पंतप्रधान नरेंद्र मोदी स्वतः जिल्हा न्यायालय ते स्वारगेट या भूमिगत मेट्रो मार्गाने प्रवास करणार आहेत. मोदींच्या स्वागतासाठी मेट्रो प्रशासनाकडून तयारी पूर्ण झालेली पाहायला मिळत आहे.

आज रात्री साडेआठनंतर पुणेकरांना जिल्हा न्यायालयाचे ते स्वारगेट या भूमिगत मेट्रोने प्रवास करता येणार असल्याची माहिती देखील मेट्रो प्रशासनाने दिली आहे.

यासोबतच एसपी कॉलेजच्या मैदानात पंतप्रधान नरेंद्र मोदी यांची सभा होणार आहे. या सभेतून पंतप्रधान नरेंद्र मोदी काय बोलतात हे पाहणं महत्वाचं आहे.