पंतप्रधान नरेंद्र मोदी हे देवालाही सांगू शकतात की ब्रह्मांडात काय चाललं आहे? - राहुल गांधी

राहुल गांधी सहा दिवस अमेरिका दौऱ्यावर आहेत. यावेळी तिथे भाषण करताना राहुल गांधी यांनी पंतप्रधान नरेंद्र मोदी यांच्यावर हल्लाबोल केला आहे.

राहुल गांधी म्हणाले की, आमची भारत जोडो यात्रा रोखण्याचे हर तऱ्हेने प्रयत्न करण्यात आले.मात्र सरकारचे सगळे प्रयत्न अपयशी ठरले. . भारत जोडो यात्रेत आम्ही प्रेम, आपुलकी आणि मैत्री हेच पसरवण्याचं काम केलं. आमच्या मनात ही भावना होती की संपूर्ण भारत आमच्याबरोबर चालतो आहे. असे राहुल गांधी म्हणाले.

तसेच ते पुढे म्हणाले की, पंतप्रधान नरेंद्र मोदी हे देवालाही सांगू शकतात की ब्रह्मांडात काय चाललं आहे?भारतात काही लोक आहेत ज्यांना वाटतं की आम्ही सर्वज्ञानी आहोत. त्यापैकी एक नरेंद्र मोदी आहेत. त्यांना वाटतं की आपल्याला प्रत्येक गोष्टीतली सगळी माहिती आहे. पण मुळात असं आहे की त्यांना काहीही माहित नाही. असे राहुल गांधी म्हणाले.