Raigad Accident : रायगडच्या ताम्हिणी घाटात शाळेची बस उलटली

रायगडच्या ताम्हिणी घाटात शाळेची बस उलटून अपघात झाला आहे. पुण्याहून शाळेची सहल कोकणात जात असताना ताम्हीणी घाटात या बसचा अपघात होऊन बस उलटली. चालकाचा नियंत्रण सुटल्याने बस उलटली असल्याची माहिती मिळत आहे. बसमध्ये अडकलेल्या सर्व प्रवाशांना बाहेर काढले. ज्यात दोघांचा मृत्यू झाला असून 55 जखमी असल्याची माहिती मिळत आहे.

अपघाताची माहिती मिळताच घटनास्थळी महाड, माणगाव बचाव पथके, रुग्णवाहीका रवाना झाले आहेत. सकाळी साडेसात वाजण्याच्या सुमारास कोंडेघर गावाजवळ अवघड वळणावर उलटली. बस पुण्याहून हरीहरेश्र्वर येथे पर्यटकांना घेवून येत होती.

जखमी प्रवाशांना माणगाव येथील उपजिल्हा रुग्णालयात दाखल करण्यात आले आहे. नागरिकांना अपघाताची माहिती मिळताच त्यांनी तात्काळ घटनास्थळी धाव घेत मदतकार्य सुरु केले. रायगडच्या ताम्हिणी घाटात शाळेची बस उलटल्याची माहिती मिळताच स्थानिक पोलीस तात्काळ घटनास्थळी दाखल झाले होते.