Rohit Pawar : १-१ आमदार असलेल्या छोट्या पक्षांना मात्र भाजप पायघड्या अंथरतोय

रोहित पवार यांनी ट्विट केलं आहे. राज ठाकरे आणि अमित शहा यांच्या भेटीवरून राजकीय वर्तुळातून अनेक प्रतिक्रिया येत आहेत. यातच आता रोहित पवार यांनी एक ट्विट केलं आहे. रोहित पवार यांनी या ट्विटमध्ये म्हटले आहे की, आज देशभरात भाजपसाठी असलेली प्रतिकूल परिस्थिती बघता पराभवाच्या भीतीपोटी भाजपा आता छोटे छोटे मित्रपक्ष जोडत आहे.

एकीकडे ४०-४० आमदार असलेल्या फुटीर गटांना जागावाटपाच्या वाटाघाटी करताना हवं ते मिळत नाही तर दुसरीकडे १-१ आमदार असलेल्या छोट्या पक्षांना मात्र भाजप पायघड्या अंथरतोय. असला #शाही_पाहुणचार बघून #छोटे_पक्ष मनातले मांडे खात असले तरी ‘उपयुक्तता असेपर्यंत वापरायचे आणि नंतर पूर्णतः संपवून आपले गुलाम बनवून फेकायचे’ या भाजपच्या मूळ स्वभावापासून मात्र ते अनभिज्ञ दिसतात. असो!

या छोट्या पक्षांकडे बघून अल्पावधीतच आधीच शिकार झालेले मोठे पक्ष #नया_है_वह असेच म्हणत असतील! असे रोहित पवार म्हणाले.