School Building Collapse in Rajasthan : राजस्थानच्या झालावाडमध्ये शाळेची इमारत कोसळली; 4 विद्यार्थ्यांचा मृत्यू

(School Building Collapse in Rajasthan ) राजस्थानच्या झालावाडमध्ये शाळेची इमारत कोसळल्याची घटना घडली आहे. या घटनेमध्ये 4 विद्यार्थ्यांचा मृत्यू झाला असून 20 हून अधिक विद्यार्थी जखमी झाल्याची माहिती मिळत आहे. अनेक मुलं ढिगाऱ्याखाली दबली असल्याचा अंदाज वर्तवण्यात आला आहे.

शुक्रवारी सकाळी ही भीषण दुर्घटना घडली. दुर्घटनेनंतर स्थानिकांनी तात्काळ मदत कार्य सुरू केले असून जखमी विद्यार्थ्यांना रुग्णालयात दाखल करण्यात आले आहे. या दुर्घटनेनंतर राजस्थानचे मुख्यमंत्री भजनलाल शर्मा यांनी शोक व्यक्त केला आहे.

घटनास्थळी उपस्थित स्थानिक ग्रामस्थ देखील प्रशासनासोबत बचावकार्यात मदत करत आहेत. घटनेची माहिती मिळताच जिल्हाधिकारी आणि पोलीस अधीक्षक घटनास्थळी रवाना झाले असून या घटनेनंतर परिसरात मोठी खळबळ उडाली असून, बचावकार्य युद्धपातळीवर सुरू आहे.