सिन्नर-शिर्डी महामार्गावर भीषण अपघात; मुख्यमंत्र्यांकडून मृतांच्या कुटुंबीयांना पाच लाखांची मदत

सिन्नर-शिर्डी महामार्गावर भीषण अपघात; मुख्यमंत्र्यांकडून मृतांच्या कुटुंबीयांना पाच लाखांची मदत

सिन्नर शिर्डी महामार्गावर पाथरेजवळ भीषण अपघात झाल्याची घटना घडली आहे.

सिन्नर शिर्डी महामार्गावर पाथरेजवळ भीषण अपघात झाल्याची घटना घडली आहे. या अपघातात 10 भाविकांचा मृत्यू झाला असून 12 भाविक जखमी झाले आहेत. खासगी आराम बस आणि ट्रकची समोरासमोर धडक होऊन हा अपघात झाला आहे. पाथरेजवळ झालेल्या ट्रक आणि खाजगी बसमधील अपघातातील जखमींना शिर्डी आणि नगरच्या दिशेने मिळेल त्या वाहनाने पाठविण्यात आले आहे.

अपघातासंदर्भात मुख्यमंत्री एकनाथ शिंदे यांनी दुःख व्यक्त केलंय.या अपघातातील मृतांच्या कुटुंबीयांना प्रत्येकी पाच लाख रुपये देण्याचे आणि जखमींवर शासकीय खर्चाने आवश्यक ते उपचार करण्याचे निर्देश त्यांनी प्रशासनाला दिले आहेत.मुख्यमंत्र्यांनी नाशिक विभागीय आयुक्त, तसंच जिल्हाधिकाऱ्यांशी चर्चा करून याविषयी अधिक माहिती घेतली असून हा अपघात नेमका कशामुळं झाला त्याची चौकशी करावी, असे निर्देशही मुख्यमंत्र्यांनी दिले आहेत.

आराम बसमधील बहुसंख्य प्रवासी गंभीर जखमी असल्याची माहिती प्राथमिक माहिती आहे. अपघात घडल्यानंतर झालेल्या आवाजाने आजूबाजूच्या परिसरातील नागरिकांनी धाव घेतली, अपघात इतका भीषण होता की नागरिकांच्या ओरडण्याने परिसरातील गावकरी मदतीसाठी एकवटले होते. ग्रामस्थांनी जे जखमी झाले आहे त्यांना बाहेर काढून येणाऱ्या जणाऱ्यांच्या मदतीने उपचारासाठी रवाना केले आहे.

logo
Lokshahi Marathi
www.lokshahi.com