ELISA Test For Dengue : डेंग्यू ELISA चाचणीसाठी दर मर्यादा कायम; अधिकचा दर आकारल्यास होणार कारवाई

पावसाळ्यात डेंग्यू व चिकनगुनियासारख्या आजारांची वाढ लक्षात घेता, राज्य सरकारने पुन्हा एकदा डेंग्यूसाठी ELISA चाचणीचा दर 600 रुपयांवर मर्यादित ठेवला आहे. हा दर 2016 पासून कायम असून, दिल्लीने 2015 मध्ये ही मर्यादा प्रथम लागू केली होती. त्यानंतर महाराष्ट्रानेही ती स्वीकारली.

पुणे महानगरपालिकेने नागरिकांना आवाहन केले आहे की, कोणतीही प्रयोगशाळा किंवा रुग्णालय 600 रुपयांपेक्षा जास्त दर आकारत असल्यास, त्यांनी तक्रार नोंदवावी. काही प्रयोगशाळा अजूनही 800 रुपये ते 1,100 रुपयांपर्यंत दर आकारत असल्याचे दिसते, ज्यामुळे रुग्ण तपासणी टाळतात.

डॉ. संदीप सांगळे, सहसंचालक, आरोग्य सेवा, महाराष्ट्र यांनी स्पष्ट केले की, सर्व खासगी रुग्णालये व प्रयोगशाळांना NS1 ELISA व MAC ELISA चाचण्या 600 रुपये दरातच करणे बंधनकारक आहे. तसेच, डेंग्यू निदानासाठी रॅपिड टेस्ट किट वापरण्यास मनाई असून, केवळ ELISA चाचण्या वापरण्याचे आदेश आहेत.

पुणे महानगरपालिका अधिकाऱ्यांनी PMC सांगितले की, सर्व नोंदणीकृत खासगी रुग्णालयांना व प्रयोगशाळांना सूचना दिल्या आहेत. तक्रारींसाठी नागरिकांनी health@punecorporation.org वर ईमेल करावा किंवा 020-25501215 या क्रमांकावर संपर्क साधावा. IMA ने सांगितले की, बहुतांश डॉक्टर नियम पाळत असले तरी काहींमध्ये मतभेद आहेत.

हेही वाचा