UPI & RuPay Card Payment : आता यूपीआय आणि रुपे डेबिट कार्ड पेमेंट महागणार?

आजकाल यूपीआय कोड स्कॅन करुन काही सेकंदातच आपण ऑनलाइन पेमेंट करतो. परंतु व्यापाऱ्यांसाठी आता यूपीआय आणि रुपे डेबिट कार्ड पेमेंट महागणार आहे. सरकार मोठ्या व्यापाऱ्यांसाठी रुपे डेबिट कार्ड आणि यूपीआय पेमेंटवर व्यापारी शुल्क पुन्हा लादण्याचा विचार करत आहे. हे शुल्क सरकारने २०२२ मध्ये माफ केलं होतं.

पण, फिनटेक कंपन्या म्हणतात की मोठ्या व्यापाऱ्यांमध्ये हा शुल्क भरण्याची क्षमता आहे. बँकिंग उद्योगाने या संदर्भात सरकारला एक प्रस्ताव देखील पाठवला आहे. या प्रस्तावात असं म्हटलं आहे की, लहान व्यापाऱ्यांकडून एमडीआर घेतला जाऊ नये पण ज्या दुकानदारांची वार्षिक उलाढाल ४० लाख रुपयांपेक्षा जास्त आहे त्यांच्यावर एमडीआर म्हणजेच मर्चंट डिस्काउंट रेट लावला पाहिजे. मात्र, या प्रस्तावावर सरकारने अद्याप विचार केलेला नाही.