Uttar Pradesh Election : स्थानिक स्वराज्य संस्थांच्या निवडणुका जाहीर; 'या' दिवशी पार पडणार मतदान

उत्तर प्रदेशच्या राज्य निवडणूक आयोगाने निवडणुकांची घोषणा केली आहे. उत्तर प्रदेशमध्ये शहरी स्थानिक स्वराज्य संस्थांच्या निवडणुका जाहीर झाल्यामुळे निवडणुकांची रणधुमाळी पाहायला मिळणार आहे. आता अनेकांची प्रतिष्ठाही पणाला लागणार आहे.

पहिल्या टप्प्यातील मतदान हे 4 मे रोजी तर दुसऱ्या टप्प्यातील मतदान 11 मे रोजी पार पडणार आहे. या निवडणुकीत दिग्गजांची प्रतिष्ठा पणाला लागणार आहे.

पहिल्या टप्प्याची अधिसूचना निवडणूक अधिकारी 11 एप्रिलला जारी करणार आहेत. तर 17 एप्रिलला दुसऱ्या टप्प्याची अधिसूचना जारी करण्यात येणार आहे.