विधानभवनाच्या पायऱ्यांवर विरोधकांचे आंदोलन; विजय वडेट्टीवार व्हिडिओ ट्विट करत म्हणाले...
विधानभवनाच्या पायऱ्यांवर विरोधकांकडून आंदोलन करण्यात आले. विधानभवनाच्या पायऱ्यांवर जोरदार घोषणाबाजी करत विरोधकांनी आंदोलन केलं. याच पार्श्वभूमीवर विजय वडेट्टीवार यांनी व्हिडिओ ट्विट केला आहे.
व्हिडिओ ट्विट करत विजय वडेट्टीवार म्हणाले की, लोकसभेचे विरोधी पक्षनेते राहुल गांधी यांच्या भाषणानंतर सत्ताधाऱ्यांनी राहुल गांधी यांच्या वक्तव्याचा विपर्यास करून घोषणा दिल्या. या विरोधात आज विधानभवन परिसरात महाविकास आघाडीने आंदोलन केले.
यासोबतच ते म्हणाले की, घाबरले रे घाबरले भाजप वाले घाबरले, मनुवाद हटाओ संविधान बचाओ अशा घोषणा देत महाविकास आघाडीने सत्ताधाऱ्यांवर हल्लाबोल केला. राहुल गांधींच्या विरोधात लोकसभेतील भाषण नंतर खोटं नेरेटीव्ह सेट करण्यात आले त्याला विरोध म्हणून आज महाविकास आघाडीच्या नेत्यांनी विधानभवनाच्या पायऱ्यांवर जोरदार घोषणाबाजी करत सरकार विरोधात निदर्शने केली. असे विजय वडेट्टीवार म्हणाले.
