ढाबा स्टाइल 'दाल फ्राय' तुम्हाला सुद्धा चाखायची आहे, अगदी सोप्या पद्धतीने घरच्याघरी बनवा रुचकर 'दाल फ्राय'

दाल फ्राययाठी लागणारे साहित्य:

एक कप तूर डाळ

अर्धा कप मसूर डाळ

तूप

कांदा

टोमॅटो

आले-लसूण पेस्ट

जिरे

धने पावडर

मसाले

दाल फ्राय बनवण्याची कृती:

एक कप तूर डाळ आणि अर्धा कप मसूर डाळ स्वच्छ धुवून घ्या. त्यानंतर चिमूटभर हळद आणि मीठ घालून कुकरला 3 ते 4 शिट्या देऊन डाळ शिजवा. कढईत 2 ते 3 चमचे तूप घेऊन त्यात जिरे, चिरलेला कांदा, आले-लसूण पेस्ट परतून घ्या. त्यानंतर चिरलेले टोमॅटो टाकून हळद, तिखट मसाले, धने पावडर, गरम मसाला टाकून परतून घ्या. त्यात शिजवलेली डाळ टाकून एकूण मिश्रण एकत्रित करून परतून घ्या. डाळ थोडी पातळ होण्यासाठी आणि योग्य प्रकारे शिजण्यासाठी त्यात थोडे पाणी ओता आणि मंद आचेवर 15 ते 20 मिनिट डाळ शिजवायला ठेवा.

डाळ शिजवून मऊ झाल्यानंतर एका खोल चमच्यामध्ये थोडे तूप गरम करा त्यात मोहरी, कढीपत्ता, लाल मिरची आणि हिंग घ्या आणि ते डाळीवर टाका. डाळीवर चिरलेली कोथिंबीर टाका आणि अशा प्रकारे तुमची ढाबा स्टाइल 'दाल फ्राय' तयार होईल, ही दाल फ्राय तुम्ही गरम गरम भातासोबत आणि रोटीसोबत सर्व्ह करून ढाबा स्टाइल 'दाल फ्राय'चा आस्वाद घेऊ शकता.