IND vs NZ :प्लेइंग ईलेव्हनमध्ये 2 बदल निश्चित, फायनलमध्ये कोण गमावणार स्थान?

भारत-न्यूझीलंडमधील तीन सामन्यांची एकदिवसीय मालिका १-१ ने बरोबरीत असून, रविवारी १८ जानेवारीला होळकर स्टेडियममध्ये होणाऱ्या तिसऱ्या सामन्याने मालिका विजेता ठरेल. दोन्ही संघांनी जोरदार सराव केला असून, चुरशीचा लढा अपेक्षित आहे. न्यूझीलंडने दुसऱ्या सामन्यात कमबॅक करत विश्वास दुणावला, तर भारत दुसऱ्या सामन्यात पराभूत झाल्याने प्लेइंग इलेव्हनमध्ये बदलाची शक्यता आहे.

मालिकेला बडोद्यात ११ जानेवारीला झालेल्या पहिल्या सामन्यात भारताने ४ विकेट्सने विजयी सुरुवात केली. मात्र, राजकोटमधील दुसऱ्या सामन्यात न्यूझीलंडने ७ विकेट्सने मुसंडी मारली आणि बरोबरी साधली. टॉप व मिडल ऑर्डर स्थिर असल्याने बदल लोअर ऑर्डरमध्ये अपेक्षित आहेत.

भारताचा वेगवान गोलंदाज अर्शदीप सिंगला संधी मिळू शकते. प्रसिद्ध कृष्णाला मालिकेत अपयश आले असून, दुसऱ्या सामन्यात कॅच सोडल्याने त्याला डच्चू मिळू शकतो. तसेच, ऑलराउंडर नितीश कुमार रेड्डीला बॅटिंग-बॉलिंगमध्ये अपयश आल्याने युवा आयुष बडोनीला पदार्पणाची संधी मिळू शकते. मात्र, निर्णायक सामन्यात धाडसी निर्णय घेणार का, हे पाहणे रोचक ठरेल. टीम मॅनेजमेंटकडून अंतिम निर्णय रविवारी होईल, पण या बदलांमुळे भारत मालिका जिंकण्यासाठी मजबूत होईल, अशी अपेक्षा आहे.