LSG VS KKR: लखनौचा दुसऱ्यांदा पराभव; कोलकाता नाईट रायडर्स 98 धावांनी दमदार विजयी

आयपीएल 2024चा 54वा सामना लखनौ सुपर जायंट्स आणि कोलकाता नाईट रायडर्स यांच्यात खेळला गेला. लखनौ सुपर जायंट्सने नाणेफेक जिंकून प्रथम गोलंदाजी करण्याचा निर्णय घेतला. कोलकाताने 20 षटकांत 6 गडी गमावून 235 धावा केल्या. लखनौचा संघ 16.1 षटकांत सर्वबाद 137 धावांत आटोपला.

कोलकाता नाईट रायडर्सने लखनौ सुपर जायंट्सचा 98 धावांनी पराभव केला. नाणेफेक गमावून प्रथम फलंदाजी करताना कोलकाताने सुनील नरेनच्या झंझावाती खेळीमुळे 20 षटकांत 6 गडी गमावून 235 धावा केल्या. प्रत्युत्तरात लखनौचा संघ 16.1 षटकांत सर्वबाद 137 धावांत आटोपला. या सामन्यात लखनौचा फलंदाजी क्रम फ्लॉप ठरला.

या विजयासह कोलकाता 16 गुणांसह पॉइंट टेबलमध्ये पहिल्या स्थानावर पोहोचला आहे. त्याच वेळी, लखनौचा निव्वळ धावगती -0.371 झाला आणि संघ पाचव्या स्थानावर पोहोचला. लखनौ आता 8 मे रोजी सनरायझर्स हैदराबाद विरुद्ध आपला पुढचा सामना खेळणार आहे. त्याच वेळी, कोलकाता 11 मे रोजी मुंबई इंडियन्सविरुद्ध घरच्या मैदानावर आयपीएलचा 60वा सामना खेळताना दिसणार आहे.

दोन्ही संघाचे प्लेइंग 11:

कोलकाता नाईट रायडर्स प्लेइंग 11:

श्रेयस अय्यर (कर्णधार), फिलिप सॉल्ट (विकेटकीपर), सुनील नरेन, आंग्रिश रघुवंशी, व्यंकटेश अय्यर, रिंकू सिंग, आंद्रे रसेल, रमणदीप सिंग, मिचेल स्टार्क, वरुण चक्रवर्ती आणि हर्षित राणा.

लखनऊ सुपर जायंट्स प्लेइंग 11:

केएल राहुल (कॅप्टन आणि विकेटकीपर), मार्कस स्टॉयनिस, दीपक हुडा, निकोलस पूरन, एश्टन टर्नर, आयुष बडोनी, क्रुणाल पंड्या, रवी बिश्नोई, नवीन उल हक, मोहसिन खान आणि यश ठाकूर.