ट्विटर-फेसबुकनंतर आता गुगलमध्येही नोकरकपात; सुंदर पिचाई १० हजार कर्मचाऱ्यांना घरी बसवणार

Google ची मूळ कंपनी Alphabet Inc. एकूण कर्मचार्‍यांपैकी सुमारे 6 टक्के कर्मचार्‍यांना बाहेर काढण्याची योजना आहे. एका नवीन अहवालात असे कळले आहे की जगातील सर्वात मोठी टेक कंपनी Google जगभरातील आपल्या 10,000 हून अधिक कर्मचाऱ्यांना बाहेरचा रस्ता दाखवू शकते. अहवालानुसार, वेगवेगळ्या संघांच्या व्यवस्थापकांना कर्मचाऱ्यांचे मूल्यांकन करण्यास सांगितले आहे. आणि ज्या कर्मचाऱ्यांची कामगिरी खराब असल्याचे आढळून येईल त्यांना कंपनी सोडण्यास सांगितले जाईल. 6 टक्के कर्मचारी म्हणजे – Google चे 10,000 पेक्षा जास्त कर्मचारी सोडणे. हे मूल्यांकन आणि टाळेबंदी निवडक वर्टिकलमध्ये केली जाईल की संपूर्ण कंपनीमध्ये ही प्रक्रिया स्वीकारली जाईल हे सध्या स्पष्ट नाही.

चलनवाढ, मंदावलेली अर्थव्यवस्था, अमेरिका आणि युरोपमधील मंदीची भीती आणि युक्रेन-रशिया युद्ध या चिंतेमुळे कंपन्या त्यांचा विस्तार थांबवत आहेत. मेटा, ट्विटर आणि टेस्लासह काही कंपन्यांनीही यूएस मार्केटमधील अनिश्चिततेच्या दरम्यान नोकरभरती कमी केली आहे.

गुगलची मूळ कंपनी अल्फाबेटने गेल्या तिमाहीत मोठ्या प्रमाणात भरती केली आहे आणि कदाचित याचे कारण कोरोना महामारीच्या काळात झालेली वाढ असावी. मात्र, याबाबत तज्ज्ञांची वेगवेगळी मते आहेत. ब्रिटीश अब्जाधीश निधी व्यवस्थापक क्रिस्टोफर हॉन यांनी अलीकडेच निदर्शनास आणून दिले की Google कर्मचार्‍यांना सामान्यतः इतर उद्योगांपेक्षा जास्त पगार मिळतो. अहवालानुसार, 2017 पासून, Google कर्मचार्‍यांची संख्या दरवर्षी सुमारे 20 टक्क्यांनी वाढली आहे आणि तज्ञांनी ही संख्या कमी करण्यास सांगितले आहे जेणेकरून कंपनी भविष्यात स्वतःला मजबूत ठेवू शकेल.