Smart Glasses: भारतात लाँच झाला Ray-Ban Meta Gen 2 स्मार्ट ग्लास, आता डोळ्यांनीही करता येईल UPI पेमेंट

मेटा आणि रे-बॅन यांनी भारतात त्यांचे पुढील पिढीचे स्मार्ट चष्मे रे-बॅन मेटा (Gen 2) AI लाँच केले आहेत. या मॉडेलमध्ये अधिक स्पष्ट 3K अल्ट्रा HD व्हिडिओ, वाढीव बॅटरी लाइफ आणि सुधारित मेटा AI सपोर्ट आहे. अल्ट्रावाइड HDR, 48 तासांचे पॉवर बॅकअप केस आणि फास्ट चार्जिंग यांसारखी वैशिष्ट्येही जोडली गेली आहेत. नवीन शैली, विशेष एडिशन रंग आणि हिंदी संवाद पर्यायही उपलब्ध आहेत. लवकरच चष्म्यातून थेट UPI Lite पेमेंटची सुविधाही सुरू होणार आहे.

किंमत किती?

रे-बॅन मेटा Gen 2 स्मार्ट चष्म्यांची किंमत ₹३९००० पासून सुरू होते आणि ते रे-बॅन इंडिया तसेच देशभरातील प्रमुख ऑप्टिकल स्टोअर्समध्ये उपलब्ध राहतील. हे मॉडेल वेफेअरर, स्कायलर आणि हेडलाइनर अशा लोकप्रिय डिझाइन्समध्ये लाँच झाले असून, शायनी कॉस्मिक ब्लू, मिस्टिक व्हायलेट आणि अ‍ॅस्टेरॉइड ग्रे यांसारखे आकर्षक नवीन रंग पर्यायही दिले आहेत.

Meta AI अपग्रेड

मेटा एआय आता अधिक प्रगत बनले असून “हे मेटा” कमांडद्वारे यूजर्सना त्वरित माहिती, अलर्ट आणि सर्जनशील सूचना मिळतात. नव्याने जोडलेले ‘कन्व्हर्सेशन फोकस’ फीचर गोंगाटातही स्पष्ट ऐकण्याची क्षमता देते. याशिवाय, हे स्मार्ट चष्मे आता पूर्ण हिंदी संभाषणाचेही समर्थन करतात, ज्यामुळे त्यांचा वापर अधिक सहज होतो.

Celebrity AI Voice और UPI Lite पेमेंट फीचर

मेटा एआयने नुकतेच सेलिब्रिटी एआय व्हॉइस फीचर आणले असून, यूजर्स आता दीपिका पदुकोणच्या एआय आवाजाशी थेट संवाद साधू शकतात. जागतिक स्तरावर इतर सेलिब्रिटी व्हॉइसही उपलब्ध आहेत. लवकरच रे-बॅन मेटा Gen 2 चष्म्यांतून थेट UPI Lite पेमेंट करता येणार आहे. फक्त क्यूआर कोडकडे पाहून “हे मेटा, स्कॅन करा आणि पैसे द्या” असे म्हटल्यावर व्यवहार व्हॉट्सअॅप-लिंक्ड बँक खात्यातून त्वरित पूर्ण होईल, ज्यामुळे दैनंदिन पेमेंट अधिक सोपे आणि वेगवान होतील.

रे-बॅन मेटा Gen 2 मध्ये 3K अल्ट्रा HD रेकॉर्डिंग आणि अल्ट्रावाइड HDR सपोर्ट दिला असून, व्हिडिओ अधिक स्पष्ट व स्थिर होतात. कंपनीनुसार आता बॅटरी 8 तासांपर्यंत टिकते आणि फक्त 20 मिनिटांत 50% चार्ज होते. चार्जिंग केस 48 तासांचा अतिरिक्त बॅकअप देतो. लवकरच हायपरलॅप्स आणि स्लो-मोशन मोडही सॉफ्टवेअर अपडेटद्वारे जोडले जातील.