Santosh Banger : शिवसेना आमदार संतोष बांगर पुन्हा वादात, आगार प्रमुखांसमोरच एसटी कंडक्टरला शिवीगाळ

हिंगोलीत शिवसेनेचे आमदार संतोष बांगर यांनी पुन्हा एकदा शासकीय कर्मचाऱ्याला मारहाण करण्याची भाषा वापरली आहे. हिंगोली आगारातील बसचा वाहक वेळेवर बस उपलब्ध करून देत नसल्याने तसेच अर्वाच्य भाषेत बोलत असल्याची कैफियत औंढा तालुक्यातील ग्रामीण भागात राहत असलेल्या शाळकरी विद्यार्थ्यांनी आमदार संतोष बांगर यांच्याकडे मांडल्यानंतर आमदार संतोष बांगर यांनी आगार व्यवस्थापन अधिकाऱ्याला स्वतःच्या कार्यालयात बोलावत जाब विचारला आहे. यावेळी विद्यार्थ्यांना अर्वाच्य भाषा वापरणाऱ्या एसटीच्या वाहकाला समजावून सांगा अन्यथा पायाखाली तुडवेल, जमिनीवर लोळेपर्यंत मोकळा करेल, असे म्हणत आमदार बांगर हे चांगलेच भडकले आहेत.